Cad is Ombudsman ann?

Scrúdaíonn Ombudsman gearáin ó dhaoine den phobal a gcreideann gur chaith an Stát nó eagraíochtaí eile go héagothrom leo. Tá Oifigí Ombudsman saor in aisce, neamhspleách, oibiachtúil agus cothrom. Táimid ar fáil chun cabhrú le daoine a mbealach a dhéanamh trí nósanna imeachta agus cleachtais, ar nithe iad a bhíonn casta go minic.
Tá seacht n-oifig Ombudsman ann in Éirinn.

Oifig an Ombudsman (do sheirbhísí poiblí)
An tOmbudsman do Leanaí
Coimisiún Ombudsman an Gharda Síochána
An tOmbudsman d'Óglaigh na hÉireann
Ombudsman an Phreasa
An Coimisinéir Teanga
agus sinne féin, an tOmbudsman Seirbhísí Airgeadais agus Pinsean.

Sula ndéanfaidh tú gearán leis an Ombudsman Seirbhísí Airgeadais agus Pinsean, ní mór duit gearán a dhéanamh le do sholáthraí ar dtús, amhail do bhanc, do chuideachta árachais, do bhróicéir infheistíochta nó do sholáthraí pinsean.

Más rud é nach mbeidh tú sásta leis an bhfreagra a gheobhaidh tú ó do sholáthraí, féadfaidh tú do ghearán a chur in iúl dúinn agus imscrúdóimid é. Ní mór don soláthraí a ndéanfaidh tú gearán faoi cloí le haon bhreith a thabharfaidh an tOmbudsman.