Script maidir leis an bhForléargas ar Ghearáin

Dia duit. Aoibhín de Búrca is ainm dom, agus is mise an Stiúrthóir Seirbhísí Corparáideacha agus Cumarsáide.

Táimid díreach tar éis ár bhForléargas ar Ghearáin don bhliain a fhoilsiú. San Fhorléargas sin, tugtar duitse sonraí, cás-staidéir agus anailís ar na gearáin a fuaireamar sa bhliain.

Ba mhaith linn aird a tharraingt ar roinnt rudaí:

• Is an-ard go fóill atá an líon gearán atáimid ag fáil i gcoinne soláthraithe seirbhísí airgeadais: fuarthas sé mhíle, céad ochtó is a dó gearán sa bhliain dhá mhíle fiche is a ceathair.
• Agus tá méadú ag teacht go fóill ar an líon gearán atá dúnta againn: cúig mhíle, naoi gcéad is a seacht gearán. Tá sé sin cothrom le méadú a ceathair déag faoin gcéad ar an bhfigiúr don bhliain dhá mhíle fiche is a trí.
• D’éirigh go geal lenár seirbhís idirghabhála. I gcás nócha faoin gcéad de na gearáin a dúnadh sa bhliain dhá mhíle fiche is a ceathair, dúnadh iad trínár bpróisis luathchéime agus trí idirghabháil.
• Ba mhaith linn rud amháin eile a rá: Bhí seirbhís do chustaiméirí ar an gcineál iompair is mó a ndearnadh gearán faoi sa bhliain, faoi mar a tharla i ngach ceann de na trí bliana seo a chuaigh thart. Laghdaigh roinnt soláthraithe an líon gearán a dhéantar linn go mór sa bhliain dhá mhíle fiche is a ceathair trí dhul i dteagmháil go luath lena gcuid custaiméirí, agus mholfaimis do sholáthraithe eile an rud céanna a dhéanamh.

Tá súil againn go mbeidh ár bhForléargas usaideach. Is féidir leat tuilleadh faisnéise a fháil faoinár seirbhísí ar fspo.ie.